Шинжилгээ өгөхийн өмнө хориглох зүйлс:

• Биеийн хүчний хөдөлмөр хийх
• Зүү төөнүүр тавиулах
• Рентген шинжилгээ хийлгэх
• Онц шаардлаггүй бол эм уух болон тариа тариулахгүй байх
• Архи, тамхи болон өөх тостой хоол хүнс хэрэглээгүй байх

Цус биохими шинжилгээ өгөхдөө анхаарах зүйлс

• Өлөн буюу бага хэмжээний ус уусан байх
• Шинжилгээ өгөхийн өмнө тайван байх
• Эм тариа антибиотик хэрэглээгүй байх /3 хоногийн өмнөөс/
• Өөх тостой, халуун ногоотой, хуурсан хоол хэрэглээгүй байх /3 хоногийн өмнөөс/
• Согтууруулах ундаа хэрэглээгүй байх /3 хоногийн өмнөөс/

Шээсний шинжилгээ өгөхдөө анхаарах зүйлс

• Будагч бодисгүй хоол хүнс, кофе, шоколад гэх мэт чихэрлэг зүйл хэрэглээгүй байх
• Биеийн хүчний ажил, дасгал хийдэг хүмүүс 3 хоногийн өмнө дасгалаа зогсоосон байх
• Зориулалтын 1 удаагийн ариун саванд авчирч өгөх
• Шээсийг зориулалтын саванд хийснээс хойш 2 цагийн дотор лабораторид ирүүлэх
• Заавал өлөн шээс байх
• Шээсний дунд хэсгээс таслаж шинжилгээнд авчрах
• Эмэгтэйчүүдийн сарын тэмдгийн үед өгөхгүй байх

Нян судлалын шинжилгээ өгөхдөө анхаарах зүйлс

Сорьц нь: Шээс, хамар залгиурын арчдас, арьсны ил шарх, батга, идээ зэрэг байна. 

Хөөмий-залгиурын арчдас:

• Шинжилгээг өглөө шүд болон амны хөндийг угаалгүй ирж шинжилгээ өгөх

Шээсний АМЧ:

• Лабораториос авсан ариун савандаа шинжилгээ өгөх өглөө шээсний дунд хэсгээс авна.
• Шинжилгээ өгөхөд 72 цагийн дотор ямар нэгэн антибиотик бусад төрлийн эмийн бүтээгдэхүүнийг хэрэглээгүй байх.

Арьсны ил шарх, буглаа:

• Ил шарх идээт тууралтын голомтоос хэсэг газрын хатаах будагч бодис болон тосон түрхлэг боолт хэрэглээгүй байх.
• Шинжилгээ өгөхөд 72 цагийн дотор ямар нэгэн антибиотик болон бусад төрлийн эмийн бүтээгдэхүүн хэрэглээгүй байх.

Арьсны эдийн шинжилгээ өгөхдөө анхаарах зүйлс:

• Насанд хүрээгүй, хөгжлийн бэрхшээлтэй хүмүүсээс асран хамгаалагчийн зөвшөөрөлтэйгээр авна.
• Шинжилгээ өгөхөөс өмнө зөвшөөрөлийн хуудас бөглөнө.

Демодекс шинжилгээ өгөхдөө анхаарах зүйлс:

• Шинжилгээ өгөх өдөр скраб болон нүүр цэвэрлэгч, том болон гоо сайхны бүтээгдэхүүн хэрэглээгүй байх
• Шинжилгээ өгөх өдөр нүүрээ будаагүй, крем, энгэсэг түрхээгүй байх

Цагаан хорхойн шинжилгээ өгөхдөө анхаарах зүйлс:

• Шинжилгээ өгөхөөс 72 цагийн дотор туулга, эм хэрэглээгүй байх.
• Шинжилгээ өгөх өдрийн өмнөх өдөр бэлдмэлийг лабораториос авч явна эсвэл лабораторид ирж өгөхдөө хошногын амсар хэсгийг угаахгүй байх
• Хүүхдээс шинжилгээг авахдаа унтаж байх үед нь хошгоны амсараас хөвөн бамбараар арчиж авна.
• Өглөө 10 цагаас өмнө лабораторит шинжилгээг авчирч өгнө.

Мөөгөнцөрийн шинжилгээ өгөхдөө анхаарах зүйлс:

• Шинжилгээ өгөх 5 хоногт дотор ямар нэгэн тосон түрхлэг түрхээгүй, эмчилгээ хийлгээгүй байх

Яаралтай шинжилгээний хариу: тухайн өдрийн  11:30 /шээсний шинжилгээ, цусны дэлгэрэнгүй, серологи шинжилгээ/